- २०८१ मङ्सिर २८ शुक्रबार
काठमाडौँ । सिरियाका पूर्व राष्ट्रपति बसर अल असदलाई सत्ताच्युत गरेको केही घण्टापछि छिमेकी देश लेबनान र जोर्डनबाट सिरियाली नागरिक फर्किन थालेका छन् ।
आइतवार यस्ता धेरै तस्विरहरु बाहिर आएका छन्, जसमा सिरियाली नागरिकहरु यी दुई देशबाट सिरियाको सीमामा प्रवेश गरेको देखिन्छ ।
लेबनान-सिरिया सीमामा मस्ना क्रसिङमा दर्जनौं कारहरू लाइनमा उभिएका र भीडले बसर अल-असदको विरुद्धमा नारा लगाएको देखिएको छ ।
जोर्डनको सीमामा रहेका एक सिरियालीले भनेका छन्- 'म जोर्डनमा १२ वर्षदेखि छु । जब हामीले बसर अल-असदको सरकार पतन भएको खबर सुने, तब हामी भावुक भयौं । सुरक्षित भएर देश फर्किन सक्छु ।'
