- २०८१ मङ्सिर २८ शुक्रबार
काठमाडौं । विराटनगर किंग्स नेपाल प्रिमियर लिग (एनपीएल) को प्लेअफ दौडबाट बाहिरिएको छ ।
विहिबार सम्पन्न पोखरा एर्भेन्जर्ससँग पराजित हुँदै विराटनगर एनपीएलको प्लेअफको दौडबाट बाहिरिएको हो ।
योसँगै प्लेअफबाट बाहिरिने विराटनगर दोस्रो टिम बनेको छ । यसअघि बुधबार लुम्बिनी लायन्स पनि प्लेअफको दौडबाट बाहिरिएको थियो ।
आज भएको खेलमा विराटनगर सुपर ओभरमा पोखरासँग १३ रनले पराजित भयो । पोखराले दिएको १९ रनको लक्ष्य पछ्याएको विराटनगरले सुपर ओभरमा मात्र ५ रन जोड्न सक्यो ।
सुपर ओभरमा पहिले ब्याटिङ गरको पोखराले विराटनगरलाई जितका लागि १९ रनको लक्ष्य दिएको थियो ।
त्यसअघि विराटनगरले दिएको १४० रनको लक्ष्य पछ्याएको पोखराले निर्धारित २० ओभरमा ६ विकेट गुमाएर १३९ रन बनाएपछि खेल सुपर ओभरमा धकेलिएको थियो । यसअघि विराटनगरले टस जितेर पहिले ब्याटिङ गर्दै ७ विकेट गुमाउदै १३९ रन बनाएको थियो ।
यो जितपछि पोखराको ५ खेलमा ४ अंक भएको छ भने विराटनगरको ५ खेलमा २ अंक रहेको छ ।
