- २०८१ मङ्सिर ८ शनिबार
वीरगंज । जिल्ला अस्पताल, पोखरियामा रहेको प्रयोगशालामा केमिकल अभाव हुँदा पनि सरोकारवालाहरू मौंन बसेका छन् ।
बिगत चार महिनादेखि प्रयोगशालामा विभिन्न केमिकलहरूको अभाव रहेको र सो बारे अस्पताल व्यवस्थापन समिति, पोखरिया नगरपालिका कार्यालयलाई ध्यानाकर्षण गराउँदा पनि सुनुवाई नभएको मेसु डा.संजय गुप्ताले बताए ।
उनले प्रयोगशालामा केमिकल अभाव भएको र सबै प्रकारकाे परिक्षणहरू चार महिना देखि प्रभावित भएको भनी ध्यानाकर्षण गराउँदा पनि ‘आज-भोलीमा हुन्छ' भनेर अहिले सम्म केमिकल उपलब्ध नगराइएको आरोप लगाए । पोखरिया जिल्ला अस्पतालमा दैनिक २५–३० जना बिरामी प्रयोगशालामा विभिन्न परिक्षण गराउँन आउछन् ।
पछिल्लो समयमा यो अस्पतालको प्रयोगशालामा जिल्ला कै उत्कृष्ट मेशिनहरू जडान गरिएका छन् ।
वीरगंजमा पनि सम्भव नहुने परिक्षणहरू पोखरियामा हुने गरेको मेसु डा.गुप्ताले बताए ।
