- २०८१ मङ्सिर ८ शनिबार
बारा । बाघको आक्रमणमा परि एक गोठाला दम्पती घाईते भएका छन् । जिल्लाको निजगढ नगरपालिका वडा नम्बर ११ रतनपुर नजिकै तपोभुमी सामुदयिक वनमा बाख्रा चराउँन गएका बेला हिजो दिउँसो करिब ३ बजेको समयमा सो घटना भएको हो ।
घटनामा परि घाईते हुँनेहरूमा ४२ वर्षिय दिलबहादुर मुक्तान र उनकी पत्नी ३८ वर्षिय माईली माया रुम्बालाई बाघले आक्रमण गरी घाईते बनाएको प्रहरीले जनाएको छ।
सुरुमा माईली मायाँलाई बाघले आक्रमण गरेको रहेछ । उनलाई बचाउँन गएका पति दिल बहादुरलाई समेत बाघले आक्रमण गरेर घाइते बनाएको ईलाका प्रहरी कार्यालय निजगढका प्रहरी निरीक्षक संजिब ओलीले जानकारी दिएका छन् ।
रुम्बाको घाँटी र छातिमा अनि मुक्तानको छाती अनी पाखुरामा चोट लागेको छ । स्थानीय मेडिकलमा सामान्य उपचार पछि थप उपचारको लागी हेटौंडा स्थित चुरेहिल अस्पताल पठाईएको प्रहरी निरीक्षक ओलीले बताए । उनका अनुसार दुबै जनाको अवस्था सामान्य छ ।
