- २०८१ भदौ २५ मंगलबार
कपिलवस्तु । शुद्धोधन गाउँपालिका वार्ड नं. ५ मा रहेको धार्मिक स्थल दरवाहामा स्थानीयले बन्दै गरेको चिल्ड्रेन पार्क तोडफोड गरेका छन् ।
परा पूर्वकाल देखि नै स्थानीयले त्यस स्थललाई अन्तेष्टि कर्म सम्पन्न मसानघाटको रूपमा र छठ पर्वमा समेत त्यहाँ आएर पुजा आजा गर्ने गरेको बताइएको छ ।
तर गाउँपालिकाले २०७४ फाल्गुन देखि जनताको धार्मिक आस्थामा आक्रमण गर्दै त्यहाँ रहेका संरचनालाई तोडेर नयाँ आधुनिक चिल्ड्रेन पार्क बनाउने निर्णय गरेपछि स्थानीयले विरोध गर्दै आएका थिए । पटक पटक स्थानीयले विरोध गर्दा पनि गाउँपालिकाका अध्यक्ष लगायत वडा अध्यक्षले बेवास्ता गरेपछि स्थानीय आक्रोशित बनेका बताएका छन् ।
यसैबीच नेपाली काँग्रेस शुद्दोधन गाउँपालिकाले घटनाप्रति ध्यानाकर्षण भएको जनाउदै गाउँपालिकाले स्थानीयको मागलाई वेवास्ता गरेको आरोप लगाएको छ । चौतर्फी विरोध भएपछि गाउँपालिकाले वार्ता गर्ने भनेर समिति बनाए पनि वार्ता समितिका संयोजक वास्ता गरेको र गैरजिम्मेवार तरिकाले वार्तालाई लैजान खोजेको आरोप कांग्रेसले लगाएको छ ।
सोही वार्ता चलिरहँदा शुक्रबार दिउँसो स्थानीयले बन्दै गरेका चिल्ड्रेन पार्कका नयाँ संरचना तोडफोड गरेका हुन् ।
