- २०८१ बैशाख १५ शनिबार
काठमाडौँ । प्रियंका चोपडा काकी बनेकी छिन्, उनकी जेठानी तथा “गेम अफ थ्रोन्स” की नायिका सोफी टर्नरले छोरीलाई जन्म दिएकी छिन् ।
बलीवुडको संसारबाट हलीवुड सम्म आफ्नो राम्रो पहिचान बनाएकी प्रियंका चोपडाको घरमा एउटा सानो पाहुनाको आगमन भएको छ ।
जोनास परिवारमा छोरीको जन्मसंगै खुशीको माहोल छाएको छ । साथै जो जोनास र सोफी टर्नरले आफ्नो छोरीको निकै प्यारो नाम राखेका छन् ।
सोफी टर्नर र जो जोनासले आफ्नो छोरीको नाम विला राखेका छन् ।
जोनास परिवारका कसैले पनि आफ्नो सामाजिक संजालमा यस नयाँ सदस्यको कुनै पोष्ट सार्वजनिक गरेका छैनन् ।
महामारीको कारण सोफी यस विषयमा निकै सतर्क रहेकी छिन् ।
सोफी टर्नर र जो जोनासको सन् २०१७ अक्टोबरमा इन्गेजमेन्ट भएको थियो र पछिल्लो वर्ष उनीहरु विवाह बन्धनमा बाधिएका थिए ।
जो र सोफीको विवाहको फोटो र भिडियो सामाजिक संजालमा निकै भाइरल भएको थियो ।
सोफी टर्नर लोकप्रिय टिभी सिरिज “गेम अफ थ्रोन्स” मा आफ्नो “सन्सा स्टार्क”को भूमिकाले निकै चर्चित छिन् ।
पछिल्लो पटक उनि फिल्म “एक्स म्यान: डार्क फिनिक्स” मा देखिएकी थिइन् ।
त्यस्तै जो जोनास प्रख्यात ब्याण्ड जोनास ब्रदर्समा आवद्ध रहेका छन् जसमा उनका दाजुभाई केभिन जोनास र निक जोनास पनि रहेका छन् ।
