काठमाडौँ । ईङलिश प्रिमियर लिग क्लब आर्सनलका म्यानेजर माइक आर्टेटामा कोरोना भाइरसको संक्रमण पोजेटिभ देखिएको छ ।
आर्सनलले म्यानेजर आर्टेटाको टेस्ट पोजेटिभ देखिएको जानकारी दिदै क्लबको ट्रेनिङ सेन्टरहाललाई बन्द गरिएको जानकारी दिएको छ ।
अहिले म्यानेजर आर्टेटासँग सम्पर्कमा आएका मानिसहरुसमेत सेल्फ आइसोलेसनमा रहेको जानकारी आर्सनलले दिएको छ ।
त्यस्तै प्रिमियर लिग क्लब लेस्टर सिटीका तीन खेलाडीमा समेत कोरोना संक्रमणको आशंका गरिएको छ ।
कोरोनाको संक्रमण खेलाडीहरुमा समेत देखिन थालेपछि प्रिमियर लिग समेत स्थगित गर्ने बारे शुक्रबार निर्णय हुने बताइएको छ ।