कफी चेन कम्पनी स्टारबक्सले विश्वव्यापी रूपमा ११ सय कर्मचारी हटाउदै

काठमाडौँ । विश्वप्रसिद्ध कफी चेन कम्पनी स्टारबक्सले विश्वव्यापी रूपमा ११ सय कर्मचारी हटाउने तयारी गरेको छ । यसबाहेक, कम्पनीले सयौं रिक्त पदहरू पनि सधैका लागि हटाउने मिडिया रिपोर्टमा उल्लेख छ । 

कम्पनीका नयाँ अध्यक्ष तथा सीईओ ब्रायन निकोलले सञ्चालन सुधार गर्न यो कदम चालेको बताइएको छ । 

कर्मचारीहरूलाई लेखेको पत्रमा निकोलले हटाउन लागिएका कर्मचारीहरूलाई मंगलबार दिउँसोसम्ममा सूचित गरिने र कम्पनीमा रहेका सयौं रिक्त पदहरू पनि हटाउने उल्लेख गरेका छन् ।

कम्पनीका सीईओ निकोलले यसको उद्देश्य अझ कुशलतापूर्वक काम गर्ने, जवाफदेहिता बढाउने रहेको बताएका छन् । स्टारबक्सका विश्वभर १६ हजार कर्मचारी छन् । कम्पनीका केही कर्मचारीहरू कटौतीबाट प्रभावित हुने छैनन्। यसमा कम्पनीका स्टोरहरूमा रोस्टिङ, वेयरहाउस र बरिस्टा पदहरूमा कार्यरत कर्मचारीहरू समावेश छन्।

जनवरीमा, निकोलले मार्चको सुरुमा कर्मचारी कटौतीको घोषणा गरिने बताएका थिए । 

स्टारबक्सको विश्वव्यापी बिक्री गत वर्षमा २ प्रतिशतले घटेको छ र आर्थिक वर्ष २०२४ मा २ प्रतिशतले बढ्ने अपेक्षा गरिएको छ । यसको मुख्य कारण अमेरिकामा मूल्य वृद्धि र बढ्दो प्रतीक्षा समय मानिन्छ । चीनमा, यसले सस्तो कफी विकल्पहरू प्रदान गर्ने चेनहरूबाट कडा प्रतिस्पर्धाको सामना गरिरहेको छ । सोमबार प्रिमार्केट ट्रेडिंगमा स्टारबक्सको शेयर स्थिर रहेको थियो ।