भीम रावललाई गृहजिल्लामा समर्थन, हजारभन्दा बढीले छोडे एमाले

धनगढी । नेकपा एमालेले पूर्वउपाध्यक्ष भीम रावललाई कारबाही गरेपछि असन्तुष्ट कार्यकर्ताले पार्टी छोड्ने क्रम बढेको छ । रावललाई पार्टीबाट निकालिएपछि देशभरबाट ठूलो संख्यामा नेता–कार्यकर्ताले एमाले छोड्न थालेका छन् भने खासगरी सुदूरपश्चिम प्रदेशमा एमालेलाई ठूलो झट्का लाग्ने देखिएको छ । 

यसैक्रममा रावलको गृहजिल्ला अछाममा एकसाथ हजारौं नेता कार्यकर्ताले एमाले छोडेका छन् । जसमा एक हजार ८६ जना स्थानीय नेता कार्यकर्ताले रावलको  मातृभूमि जागरण अभियानलाई समर्थन गर्ने घोषणा गर्दै एमाले छोडेका छन् । 

एमाले छोड्नेमा प्रदेश कमिटी, विभागीय, केन्द्रीय विभाग, जिल्ला कमिटी सचिवालय, प्रवास प्रतिनिधि, जिल्ला सल्लाहकार, नगर तथा वडा कमिटी पदाधिकारी, अनेम संघ, र जनवर्गीय संगठनका पदाधिकारीहरू रहेका छन् ।