नेपाली पुरुष र महिला दुवै खो खो टिम विश्वकपको फाइनलमा

काठमाडौँ । नेपाली पुरुष टोली पनि खो खो विश्वकपको फाइनलमा पुगेको छ ।

भारतमा चलिरहेको विश्वकप अन्तर्गत शनिबार साँझ सम्पन्न सेमिफाइनल खेलमा इरानलाई ७२–२० ले हराउँदै नेपाली पुरुष टोलीले फाइनल यात्रा सुनिश्चित गरेको हो ।    

नेपाली खो खो इतिहासमा यो एक ऐतिहासिक क्षण बनेको छ । शनिबार दिउँसो नै सम्पन्न महिलातर्फको सेमिफाइनल खेलमा नेपाली महिला टोलीले युगान्डालाई ८९–१८ले हराउँदै फाइनलको यात्रा तय गरेको थियो ।  

अब दुबै टोलीले आइतबार उपाधिका लागि फाइनल खेल्नेछन् । दुबै टोलीका लागि प्रतिस्पर्धी फाइनलिस्ट भने अझैँ तय भइसकेका छैनन् ।