आइसीसीको बर्ष क्रिकेटरको मनोनयन सार्बजनिक

काठमाडौ । आइसीसीले बर्ष क्रिकेटरका लागि चार-चार खेलाडीको मनोनयन सार्बजनिक गरेको छ ।

आइसीसीले २०२५ को जनवरीको अन्त्यमा दिने अवार्डका लागि टी-२०, एकदिवसीय खेल र इमर्जिंग क्रिकेटर अफ द इयरका लागि पुरुष र महिला चार-चार खेलाडीको मनोनयन गरेको हो ।

टी-२० क्रिकेटर अफ द इयरका लागि पुरुषतर्फ भारतका तिब्र गतिका बलर अर्शदीप सिंह, अस्ट्रेलियाका ट्राभिस हेड, पाकिस्तानका बाबर आजम र  जिम्बाबेका सिकन्दर राजा रहेका छन् ।

त्यस्तै महिला तर्फ टी-२० क्रिकेटर तर्फ श्रीलंकाकी चामारी अथापाथ्थु, न्यूजील्याण्डकी अमेलिया केर, आयरल्याण्डकी ओरला प्रेन्डेरगास्ट र दक्षिण अफ्रिकाकी लाउरा वोलभार्डट मनोनयनमा परेका छन् ।        

त्यसैगरी एकदिवसीय क्रिकेटर अफ द इयरको पुरुष तर्फ श्रीलंकाका वानिन्दु हासरंगा र कुसल मेन्डिस, अफगानिस्तान अज्मातुल्लाह ओमारजाई र वेस्ट इन्डिजका शेरफाने रुदरफोर्ड मनोनयनमा परेका छन् ।

त्यसैगरी एकदिवसीय क्रिकेटर अफ द इयरको महिलातर्फ श्रीलंकाकी चामारी अथापाथ्थु, भारतकी स्मृती मन्धाना, अस्ट्रेलिया अन्नाबेल सदरल्याण्ड र दक्षिण अफ्रिकाकी लाउरा वोल्भार्ड मनोनयनमा परेका छन् ।

त्यस्तै इमर्जिंग क्रिकेटर अफ द इयरको पुरुष तर्फ इङल्याण्डका गस एटकिन्सन, पाकिस्तानका सैम आयुब, वेस्टइण्डिज शामर जोशेप र श्रीलंकाका कामिन्दु मेन्डिस मनोनयनमा परेका छन् ।

त्यसैगरी इमर्जिंग क्रिकेटर अफ द इयरको महिला तर्फ दक्षिण अफ्रिकाकी अन्नेरी डेर्कसेन, स्कटल्याण्डकी सास्किया होर्ली, भारतकी श्रेयांका पाटिल र आयरल्याण्डकी फ्रेया सार्गेन्ट मनोनयनमा परेका छन् ।

आइसीसीले मनोनयनमा परेकाहरुलाई आइसीसीको वेभसाइटमा अनलाइन भोट गर्न सकिने जानकारी दिएको छ ।