- २०८१ पौष १४ आइतबार
काठमाडौँ । अमेरिकाका नवनिर्वाचित राष्ट्रपति डोनाल्ड ट्रम्पले टिकटकमाथि प्रतिबन्ध लगाउने कानुन रोक्न अमेरिकी सर्वोच्च अदालतमा निवेदन दिएका छन् ।
यस याचिकामा ट्रम्पले जनवरी २० मा आफ्नो उद्घाटनको एक दिन अघि टिकटकलाई यसको चिनियाँ मालिक बाइटडान्सले बिक्री नगरेमा प्रतिबन्ध लगाउने कानूनलाई रोक्न अदालतलाई आग्रह गरेका छन् ।
डोनाल्ड ट्रम्पको कानुनी टोलीले याचिकामा भनेको छ, यस मुद्दाको जटिलता र नवीनतालाई ध्यानमा राख्दै, अदालतले यी मुद्दाहरूलाई सम्बोधन गर्न र राजनीतिक समाधान खोज्ने मौका दिनको लागि वैधानिक समयसीमा रोक्न विचार गर्नुपर्छ ।
उल्लेखनीय के छ भने ट्रम्प आफ्नो पहिलो कार्यकालमा टिकटकको कट्टर विरोधमा थिए । उनले राष्ट्रिय सुरक्षाको आधारमा यो एपमाथि प्रतिबन्ध लगाउने प्रयास पनि गरेका थिए ।
ट्रम्पले अमेरिकी कम्पनीलाई टिकटक बेच्ने कुरा गरेका थिए, जसमा सरकारले बिक्री मूल्यको हिस्सा लिनेछ । यससँगै जो बाइडेनले टिकटकमाथि प्रतिबन्ध लगाउने कानुनमा पनि हस्ताक्षर गरेका थिए तर अब ट्रम्पले आफ्नो अडान परिवर्तन गरेका छन् ।
यससँगै फेसबुक र इन्स्टाग्राम जस्ता सामाजिक सञ्जाल कम्पनीहरूको सन्दर्भमा ट्रम्पले टिकटक बिना फेसबुक र इन्स्टाग्राम बाहेक अर्को विकल्प नरहेको बताएका छन् ।
योसँगै अमेरिकी अधिकारीहरूले पनि युवा पुस्तामा यो एपको बढ्दो लोकप्रियताप्रति चिन्ता व्यक्त गरेका छन् । यससँगै उक्त एपलाई प्रचार प्रसार गर्न प्रयोग गर्न सकिने आरोप लगाइएको थियो तर कम्पनी र चिनियाँ सरकारले यी आरोपको खण्डन गरेको थियो ।
2024-12-15-07-07-27.gif)
