चक्लेट बोकेको म्याजिक भ्यान नियन्त्रणमा

पर्सा । पर्सा जिल्लाको वीरगंज महानगरपालिका–१४ पावरहाउस चोकबाट पौष १० गते सशस्त्र प्रहरीले विभिन्न किसिमका चक्लेट बोकेको म्याजिक भ्यान नियन्त्रणमा लिएको छ ।

भारतबाट अवैध रुपले ना १ ज ७८४५ नम्बरको म्याजिक भ्यानमा राखी नेपालतर्फ ल्याउँदै  गरेको चक्लेट प्रस्तावित सीमा सुरक्षा गुल्म वीरगंजबाट सशस्त्र प्रहरी नायव उपरीक्षक लोकेन्द्र सुब्बाको कमाण्डमा खटिएको सुरक्षा फौजले नियन्त्रणमा लिईएको हो  ।

बरामद चक्लेट तथा भ्यान आवश्यक कारवाहीको लागि सम्बन्धित नियकायमा बुझाईएको छ । बरामद चक्लेट तथा भ्यानको भन्सार दाखिला मुल्य १० लाख रुपैयाँ रहेको छ । गाडी चालक भने फरार रहेका छन् ।