एनपीएलको फाइनलमा सुदूरपश्चिमले टस जित्यो

काठमाडौं । नेपाल प्रिमियर लिग (एनपीएल) को आज फाइनल हुदै छ । फाइनल खेलमा सुदूरपश्चिम रोयल्सले टस जितेर पहिला ब्याटिंग गर्ने निर्णय गरेको छ ।

सुदूरपश्चिमका कप्तान दिपेन्द्र सिंह ऐरीले टस जितेर पहिला ब्याटिंग गर्ने निर्णय गरेका हुन् । योसँगै जनकपुर बोल्ट्सले पहिला बलिङ गर्ने भएको छ ।

यस प्रतियोगितामा यी दुई टिम तेस्रो पटक आमने सामने हुदै छन् । यस अघि लिग चरण र पहिलो क्वालिफायर दुवै खेलमा सुदूरपश्चिमले जनकपुरलाई पराजित गरेको थियो ।