कर्णालीलाई हराउदै जनकपुर बोल्ट्स एनपीएलको फाइनलमा

काठमाडौँ । जनकपुर बोल्ट्स नेपाल प्रिमियर लिग (एनपीएल) को फाइनलमा पुगेको छ । विहिबार सम्पन्न दोस्रो क्वालिफायरमा जनकपुरले कर्णाली याक्सलाई २ विकेटले पराजित गर्दै फाइनलमा पुगेको हो ।

कर्णालीले दिएको ११९ रनको लक्ष्य पछाएको जनकपुरले १९ ओभरमा ८ विकेट गुमाउदै लक्ष्य पुरा गरेको थियो । जनकपुरका लागि जिम्मी निशामले सर्बाधिक ४५ रन बनाएका थिए भने हर्ष थाकेरले १७ रन र शेर मल्लले १६ रन बनाएका थिए ।  त्यस्तै कर्णालीका बलर विपिन शर्माले ३ विकेट लिएका थिए ।

यस अघि टस हारेर पहिला ब्याटिंग गरेको कर्णालीले २० ओभरमा ९ विकेट गुमाउदै ११८ रन बनाएको थियो । कर्णालीका लागि गुलशन झाले सर्बाधिक २५ रन बनाए भने देव खनालले २४ रन बनाएका थिए । त्यस्तै जनकपुरका बलर ललित राजबंशी, जिम्मी निशाम र मोहमद मोशिनले २-२ विकेट लिएका थिए ।

अब फाइनलमा जनकपुरले सुदूरपश्चिम रोयल्सको सामना गर्ने छ । त्यस्तै कर्णाली भने यो हारपछि बाहिरिएको छ ।