बक्स अफिसमा पुष्पा-२ को जादू कायमै

काठमाडौँ । अल्लु अर्जुन र रश्मिका मन्डन्नाको फिल्म ‘पुष्पा २: द रुल’ ले विश्वभर ८०० करोडको आँकडा पार गरेको छ । यो फिल्म चाँडै भारतीय बक्स अफिसमा ६०० करोड क्लबमा प्रवेशको नजिक पुगेको छ ।

सुकुमार निर्देशित फिल्मले बक्स अफिसमा राम्रो कमाई गरिरहेको छ । फिल्मले पहिलो साता भारतमा करिबकारोब ६ सय करोड कमाई गरेको छ । 

फिल्म पुष्पा २ ले बक्स अफिसमा पाँचौं दिन सोमबार फिल्मले ६४.१ करोड कमाएको छ । जसमा तेलुगु भाषामा १४ करोड, हिन्दीमा ४६ करोड, तमिलमा ३ करोड, कन्नडमा ५० लाख र मलायालममा ६० लाख कमाई गरेको छ ।

पाँच दिनपछि ‘पुष्पा २’ को भारतीय बक्स अफिस कमाई ५९३.१ करोड भारु पुगेको छ । जसमा तेलुगुमा २११.७ करोड, हिन्दीमा ३३१.७ करोड, तमिलमा ३४.४५ करोड, कन्नडमा ४.०५ करोड र मलायालममा ११.२ करोड रहेको छ ।