- २०८१ असोज २६ शनिबार
काठमाडौँ । सन् २०२४ को साहित्यको नोबेल पुरस्कार घोषणा गरिएको छ । यो वर्ष दक्षिण कोरियाका हान काङले यो पुरस्कार पाएकी छन् । जीवनका मार्मिक कथाहरूलाई सुन्दर शैलीमा प्रस्तुत गरेकोमा उनले यो सम्मान पाएकी हुन् । हान काङले सन् १९९३ मा कविता लेखेर आफ्नो करियर सुरु गरेकी थिइन् ।
हान काङ नोबेल पुरस्कार जित्ने १८औं र पहिलो कोरियाली महिला हुन् । यसअघि उनले २०१६ मा ‘द वेजिटेरियन’ उपन्यासका लागि म्यान बुकर इन्टरनेशनल प्राइज पनि जितेकी थिइन् । यो उपन्यासले उनलाई अन्तर्राष्ट्रिय मान्यता दिएको थियो ।
नोबेल समितिले हान काङको उपन्यास ‘ग्रीक लेसन’माथि विशेष छलफल गरेको छ । यो एक केटीको कथा हो जसले आफ्नो जीवनको कठिनाइका कारण आफ्नो आवाज गुमायो। उसले आफ्नो आँखाको ज्योति गुमाउने ग्रीक शिक्षकलाई भेट्छ ।
यस उपन्यासले सञ्चारका बाधाहरूका बाबजुद दुई मानव बीचको सम्बन्धलाई सुन्दर ढंगले वर्णन गर्दछ ।
यसअघि चिकित्सा, भौतिकशास्त्र र रसायन शास्त्रतर्फको नोबेल पुरस्कार घोषणा भइसकेको छ । विक्टर एम्ब्रोस र ग्यारी रुभकुन चिकित्साका लागि, जेफ्री ई. हिन्टन र जोन जे. होपफिल्डलाई भौतिकशास्त्रका लागि र डेभिड बेकर, जोन जम्पर र डेमिस हसबिसलाई रसायनशास्त्रमा यस बर्षको नोबेल पुरस्कार प्रदान गरिएको छ ।
नोबेल समितिले छनोट भएका देशका नागरिकलाई पुरस्कार दिने गरेको आरोप लागेको छ । त्यसैले यसपटक समितिले दायरा फराकिलो पार्दै दक्षिण कोरियाली लेखकलाई पुरस्कार दिएको छ । यो नोबेल पुरस्कार वितरण अक्टोबर १४ सम्म चल्नेछ। विजेताहरूलाई आठ करोड ९० लाख रुपैयाँ पुरस्कार दिइँदैछ।
