- २०८१ असोज २५ शुक्रबार
काठमाडौँ । नेपाल काभा यू-२० पुरुष भलिबल प्रतियोगिताको फाइनलमा प्रवेश गरेको छ ।
श्रीलङ्काको कोलम्बोमा भईरहेको खेलमा नेपालले शुक्रवार तुर्कमेनिस्तानलाई ३–० सेटले पराजित गर्दै फाइनलमा प्रवेश गरेको हो । नेपालले तुर्कमेनिस्तानलाई २५–१४, २५–२१, २५–२० ले हराउँदै फाइनलमा स्थान सुरक्षित गरेको हो ।
नेपालले प्रतियोगितामा पाँच मध्ये तीन खेल जित्दै कूल १० अङ्क जोडेर शीर्ष दुईमा रहँदै फाईनलमा स्थान बनाएको छ ।
नेपालले अब फाईनलमा शनिवार उज्वेकिस्तानसँग प्रतिस्पर्धा गर्नेछ ।
