• २०८१ बैशाख ४ मंगलबार

एआई बारे मस्क र अल्टम्यानबीचको विवाद के हो ?

kharibot

काठमाडौँ । एलोन मस्कले ओपन एआई र यसका प्रमुख कार्यकारी अधिकारीविरुद्ध मुद्दा दायर गरेको दुई हप्ता पछि साम अल्टम्यानको प्रतिक्रिया आएको छ ।  एक अन्तर्वार्तामा, ओल्टम्यानले यस विषयमा मस्कलाई संदेश पठाएको बताएका छन् ।

अल्टम्यानले अन्तर्वार्तामा मस्कसँग इमोजी मार्फत मात्रै केही कुराकानी भएको बताए । मस्कले ओपनएआई र कम्पनीका सीईओ अल्टम्यान लगायत कम्पनीका अन्यविरुद्ध करार सम्झौता उल्लङ्घन गरेको आरोपमा मुद्दा दायर गरेका थिए । ओल्टम्यानले भने- 'म उहाँसँग निरपेक्ष नायकको रूपमा हुर्केको छु । उनी बुझ्छन् कि मस्क साँच्चै एआई सुरक्षाको बारेमा चिन्तित छन्, तर मलाई पुरानो एलन सम्झन्छु । म उहाँसँग निरपेक्ष नायकको रूपमा हुर्केको छु ।'

ओपनएआईका सह-संस्थापक ग्रेग ब्रोकम्यानसँग ओपन सोर्स, गैर-लाभकारी कम्पनी खोल्ने बारे ओल्टम्यानले मस्कसँग सम्पर्क गरेको मस्कले मुद्दामा बताए । यो कम्पनीले मानिसको फाइदाको लागि आर्टिफिसियल इन्टेलिजेन्स प्रविधि विकास गर्छ । तर, कम्पनीले अहिले नाफा कमाउनेमा मात्र ध्यान दिएको छ ।

मस्कको सो आरोपपछि ओपन एआईले आरोप अस्वीकार गर्दै आफुले धेरै प्रशंसा गरेका व्यक्तिसँग यो अवस्था आएको उल्लेख गरेको थियो । ओपनएआईले आफुहरु आफ्नो मिशनमा अर्थपूर्ण प्रगति गर्न थालेपछि असफल बनाउन मुद्धा हालेको आरोप लगाएको थियो ।

ओपनएआईले २०२२ को नोभेम्बरमा च्याटजीपीटी लन्च गरेर छ महिना भित्रमा संसारमा सबैभन्दा बढी प्रयोग गरिने एप बनेको थियो । साथै ओपन एआईले विश्वका टेकजाइन्टलाई एआईमा लगानी गर्न प्रेरित समेत गरेको थियो । जसका कारण जेनेरेटिभ एआईमा आधारित अफरहरू लन्च गर्न ठूला टेक कम्पनीहरूबीच प्रतिस्पर्धा सुरु भएको छ ।

मस्कले किन दायर गरे मुद्धा ?

टेस्ला र एक्सका मालिक मस्कले ओपनएआई र कम्पनीका प्रमुख कार्यकारी अधिकृत (सीईओ) साम अल्टम्यान लगायतविरुद्ध सान फ्रान्सिस्कोमा दायर गरेको मुद्धामा ओपनएआईलाई २०१५ मा ओल्टम्यान लगायतले २०१५ मा च्याटजिपिटी-मेकर स्थापित गर्ने क्रममा आफूले गरेका सम्झौताहरू उल्लङ्घन गरेको आरोप लगाएका छन् ।

मुद्दामा भनिएको छ, अल्टम्यानले ओपनएआईका सह-संस्थापक ग्रेग ब्रोकम्यानका साथ ओपन सोर्स, गैर-लाभकारी कम्पनी गठन गर्न मस्कसँग सम्पर्क गरेका थिए । यो कम्पनी नाफा रहित हुने र यसले मानिसको फाइदाको लागि आर्टिफिसियल इन्टेलिजेन्स प्रविधि विकासगर्ने त्यति बेला बताइएको थियो ।

मस्कका वकिलहरूले मुद्धामा माइक्रोसफ्ट समर्थित कम्पनी ओपनएआईले नाफा कमाउनमा ध्यान केन्द्रित गरेका कारण सम्झौता तोडिएको जिकिर गरेका छन् । यद्यपि यो मुद्दामा ओपनएआई, माइक्रोसफ्ट र मस्कबाट अहिलेसम्म कुनै बयान आएको छैन । मस्कले अल्टम्यानसँग मिलेर २०१५ मा ओपनएआई बनाएका थिए । तर, मस्कले सन् २०१८ मा कम्पनीको बोर्डबाट राजीनामा दिएका थिए ।
 

सम्बन्धित खबर

पढ्नै पर्ने

लोकप्रिय

भर्खरै