- २०८१ पौष ८ सोमबार
काठमाडौँ । अख्तियार दुरुपयोग अनुसन्धान आयोगले बुढानीलकण्ठ नगरपालिकाका सव-इन्जिनियर विनोद कुमार पौडेल ७२ हजार घुससहित पक्राउ गरेको छ ।
सेवाग्राहीबाट घुस लिएको आरोपमा पौडेल पक्राउ परेको अख्तियारले जनाएको छ ।
सडक निर्माण कार्यको ठेक्का सम्झौता बमोजिम कार्य सम्पन्नपछि भुक्तानी दिने क्रममा सेवाग्राहीसँग ७२ हजार घुस माग गरिरहेको सूचना तथा उजुरीका आधारमा अख्तियारको टोलीले पौडेललाई पक्राउ गरेको हो ।
अख्तियारका अनुसार पौडललाई सेवाग्राहीसँग ७२ हजार घुस लिइसकेको अवस्थामा उनलाई बुढानीलकण्ठ नगरपालिका वडा नम्बर ६ स्थित सव्रिना होटलबाट शुक्रबार नियन्त्रणमा लिइएको हो ।
अख्तियारले घटनामाथि थप अनुसन्धान भइरहेको जनाएको छ ।
2024-12-15-07-07-27.gif)
