- २०८१ बैशाख २५ मंगलबार
काठमाडौँ । पराग्वेमा नक्कली पासपोर्ट प्रकरणमा हिरासतमा रहेका ब्राजिलियन फुटबलर रोनाल्डिन्हो हिरासतमुक्त भएका छन् ।
रोनाल्डिन्हो र उनका दाजुलाई पराग्वेको अदालतले हिरासत मुक्त गरेको हो । उनीहरु नक्कली पासपोर्टमा पराग्वे पुगेको पाइएपछि उनीहरुलाई हिरासतमा लिइएको थियो ।
उनीहरुले ३२ दिन प्रहरीको हिरासतमा विताएर उनीहरुलाई होटलमा बस्ने अनुमति दिइएको छ । न्यायधिशले मुद्धाको टुंगो नलाग्दासम्म उनीहरु होटलमा बस्न सक्ने गरि हिरासतमुक्त गरिएको जनाएका छन् ।
यसअघि रोनाल्डिन्होका वकिलले १.६ मिलियन डलरको धरौटीमा रिहा गर्न आग्रह गरेपनि अदालतले अश्विकार गरेको थियो ।
रोनाल्डिन्हो र उनका भाइ रोबर्टोलाई पराग्वेको प्रहरीले मार्च ७ मा हिरासतमा लिएको थियो ।
रोनाल्डिन्होले ब्राजिललाई २००२ मा विश्वकप जिताएका थिए भने उनले
बार्सिलोना, पिएसजी, एसी मिलान जस्ता क्लबबाट व्यावसायिक फुटबल खेलेका थिए ।
