- २०८२ असोज २८ मंगलबार
काठमाडौं । नेपाली काँगेसको केन्द्रीय समितिको बैठक जेनजी आन्दोलनपछि पहिलोपटक आजदेखि शुरु हुदै छ । बैठक आज दिउसो १ बजेदेखि केन्द्रीय कार्यालय सानेपामा शुरु हुदैछ ।
यस बैठकको मुख्य एजेन्डा कांग्रेसको महाधिवेशन कहिले गर्ने भन्ने रहेको छ । अहिले कांग्रेसमा नियमित महाधिवेशन र विशेष महाधिवेशन बारे बहस चलिरहेको छ ।
अर्कोतर्फ केन्द्रीय समितिको बैठकका एजेण्डा तय नभएपछि केहि दिनदेखि बसेको पदाधिकारी र पूर्वपदाधिकारीको बैठकले महाधिवेशनसम्बन्धी तालिकामा सहमति नजुट्दा मंगलबार ११ बजे फेरी बैठक बोलाइएको छ । सो बैठकले एजेन्डा तय गरेपछि र दिउसो १ बजेदेखि केन्द्रीय समितिको बैठक शुरु गर्ने बताइएको छ ।
अर्कोटार्ग एक पक्षले विशेष महाधिवेशनका लागि हस्ताक्षर संकलन गरेर आज केन्द्रीय समितिको बैठकअघि केन्द्रीय कार्यालयमा दर्ता गर्ने तयारी गरेका छन् ।
विशेष महाधिवेशनको पक्षमा अहिलेसम्म ५३ प्रतिशत प्रतिनिधिले हस्ताक्षर गरिसकेको दाबि गरिएको छ ।
