मस्कको समर्थनमा अगाडी आए ट्रम्प, किने रातो टेस्ला कार

काठमाडौँ । अमेरिकी राष्ट्रपति डोनाल्ड ट्रम्पले एलन मस्कको कम्पनी टेस्लाबाट एउटा सुन्दर रातो रंगको कार किनेका छन् । 

ट्रम्पले हालै सामाजिक सञ्जालमा मस्कलाई समर्थन गर्न टेस्ला कार किन्ने घोषणा गरेका थिए । यसपछि, मंगलबार ह्वाइट हाउस बाहिर मस्कको कम्पनीका ४-५ वटा गाडी पार्क गरिएका थिए, जसमा साइबर ट्रक पनि थियो । यी मध्ये ट्रम्पले आफ्नो लागि रातो कार रोजेका थिए ।

ट्रम्पले सरकारी दक्षता विभागका प्रमुख मस्कको प्रशंसा गर्दै उनलाई एक असल व्यक्ति र देशभक्त भनेका थिए । मिडियासँग कुरा गर्दै ट्रम्पले भने, 'जब मैले मस्क र उनको कम्पनीलाई लक्षित गरिएको देखेँ, मैले टेस्ला कार किन्ने निर्णय गरें ।' यो सार्वजनिक खरिद थियो र उनले राम्रो काम गरिरहेका छन् ।
 डेमोक्रेट पार्टी र समर्थकहरुले अमेरिकामा टेस्ला बहिस्कारको अभियान चलाएपछि राष्ट्रपति ट्रम्प मस्कको समर्थनमा अगाडी आएका हुन् ।

ट्रम्पले टेस्ला कार यस्तो समयमा किनेका हुन्, जब टेस्लाको शेयरमा तीव्र गिरावट आइरहेको छ । राष्ट्रपति चुनावमा डोनाल्ड ट्रम्पलाई मस्कले गरेको खुला समर्थन र त्यसपछि सरकारी दक्षता विभागको प्रमुखको रूपमा मस्कले संघीय सरकारी खर्चमा ठूलो कटौती गरेको र ठूलो संख्यामा मानिसहरूलाई जागिरबाट निकालेको तरिकाले उनलाई आफ्ना आलोचकहरूको निशाना बनाएको छन् ।  

ट्रम्पले मस्कलाई केही मानिसहरूले अन्याय गरिरहेको बताउदै मानिसहरूले मस्क देशभक्त भएको कारणले सजाय नदिन आग्रह गरेका थिए । 

हालैका दिनहरूमा धेरै टेस्ला कारहरू सार्वजनिक रूपमा सडकमा तोडफोड गरिएका थिए भने टेस्लाका शोरूम र चार्जिङ स्टेशनहरू पनि लक्षित गर्दै तोडफोड गरिएको छ ।