- २०८१ माघ ११ शुक्रबार
काठमाडौं । नेकपा एकीकृत समाजवादीका ओखलढुंगा जिल्ला अध्यक्ष हंसराज वाग्ले नेपाली कांग्रेसमा प्रवेश गरेका छन् । बिहीबार वाग्ले कांग्रेस सभापति शेरबहादुर देउवाबाट टिका माला लगाएर पूरानै घर फर्किएका हुन् ।
कांग्रेस सभापति शेरबहादुर देउवाले उनलाई बुढानीलकण्ठमा माला लगाएर पार्टीमा स्वागत गरेका छन् । वाग्ले समाजवादीमा जानु पहिले नेपाली कांग्रेसकै जिल्ला सदस्य थिए ।
तर समाजवादीमा प्रवेश गरेपछि उनी ओखलढुङ्गाको जिल्ला अध्यक्ष तथा कोशी प्रदेश कमिटी सदस्य समेत थिए ।
कांग्रेस छाडेर एकीकृत समाजवादी प्रवेश गरेपछि वाग्ले केही महिना कोशी प्रदेश खेलकुद परिष्द्को सदस्यसचिव समेत भएका थिए । तर, पछि अदालतको परमादेशले उनी पदच्यूत भएका थिए ।
2024-12-15-07-07-27.gif)
