रोनाल्डोको दुई गोलमा अल नासर विजयी

काठमाडौँ । साउदी प्रो लिग अन्तर्गत अल नासरले अल खालीजलाई पराजित गरेको छ ।

गएराती सम्पन्न खेलमा अल नासरले क्रिस्टियानो रोनाल्डोको २ गोलमा अल खालीजलाई ३-१ गोल अन्तरले पराजित गरेको हो ।

रोनाल्डोले २ गोल गरेको यस खेलमा सुल्तान अल घन्नामले एक गोल गरेका थिए । त्यस्तै अल खालीजका लागि कोसटास फर्च्युनिसले एक गोल गरेका थिए । यस खेलमा खेलको ३४औ मिनेटमा सईद अल हाम्सालले रातो कार्ड पाएपछि अल खालीज १० खेलाडीमा सिमित भएको थियो ।

यो जितपछि अल नासरको १६ खेलमा ३२ अंक भएको छ र लिगमा तेस्रो स्थानमा उक्लिएको छ । त्यस्तै अल खालीजको भने १६ खेलमा २३ अंक रहेको छ र लिगमा आठौँ स्थानमा छ ।

गएराती नै सम्पन्न अर्को खेलमा अल हिलालले अल वेहडालाई ४-१ गोल अन्तरले पराजित गरेको छ । यो जितपछि अल हिललको १६ खेलमा ४३ अंक भएको छ र लिगमा शिर्ष स्थानमा रहेको छ ।