क्यानको कारवाहीमा सन्दीप

काठमाडौं । नेपाल क्रिकेट संघ (क्यान) ले नेपाली राष्ट्रिय क्रिकेट टोलीका पूर्वकप्तान तथा लेगस्पीनर सन्दीप लामिछानेलाई कारबाही गरेको छ ।

जय ट्रफी खेल्ने क्रममा अम्पाएरको विषयमा सामाजिक सञ्जालमा लेखेको विषयमा क्यानले सन्दीपलाई अनुशासनको कारवाही गरेको हो ।

गत साता सम्पन्न जय ट्रफी एलिट कपको क्रममा सन्दीपले अम्पायरको स्तर राम्रो नभएको भन्दै सुधार गर्नुपर्ने र यस्तो अम्पायरका कारण कैयौं क्रिकेटरको भविष्य बिग्रिने आशयको पोष्ट गरेका थिए ।

क्यानले सन्दीपलाई एक खेलका लागि निलम्बन गर्दै स्पष्टीकरण समेत सोधेको छ । योसँगै सन्दीपले अब क्यानले आयोजना गर्ने कुनै प्रतियोगितामध्ये एक खेल खेल्न नपाउने भएका छन् । साथै क्यानले उनीसँग स्पष्टीकरण पनि सोधेको छ ।

क्यानले कारवाही गरेपछि सन्दीपले सामाजिक संजालमा लेखेको स्ट्याटसका कारण उनले सन्यास लिनसक्ने अड्कलबाजी चलिरहेको छ ।