जितसँगै शिर्ष स्थानमा उक्लियो रियल म्याड्रिड

काठमाडौँ । स्पेनिस ला लिगा अन्तर्गत रियल म्याड्रिड शिर्ष स्थानमा उक्लिएको छ ।

गएराती सम्पन्न खेलमा रियल म्याड्रिडले लास पलमासलाई ४-१ गोल अन्तरले पराजित गर्दै लिगको शिर्ष स्थानमा उक्लिएको हो ।

१-० गोलले पछि परेको रियल म्याड्रिडले खेलमा कमब्याक गर्दै महत्वपूर्ण जित निकालेको थियो । रियल म्याड्रिडको जितमा किलीयन एम्बाप्पेले २ गोल गरेका थिए भने ब्राहिम डियाज र रोड्रीगोले एक एक गोल गरेका थिए । त्यस्तै लस पलमासका लागि फाबिओ सिल्भाले एक गोल गरेका थिए ।

यो जितपछि रियल म्याड्रिडको २० खेलमा ४६ अंक भएको छ र लिगमा शिर्ष स्थानमा रहेको छ । रियल म्याड्रिड दोस्रो स्थानमा रहेको एटलेटिको म्याड्रिडभन्दा २ अंकले र तेस्रो स्थानमा रहेको बार्सिलोनाभन्दा ७ अंकले अगाडी रहेको छ ।

त्यसैगरी लस पलमासको २० खेलमा २२ अंक छ र लिगमा १४औं स्थानमा रहेको छ ।