निगमले बढायो इन्धनको मुल्य

काठमाडौं । नेपाल आयल निगमले पेट्रोल र डिजल/मट्टीतेलको मुल्य बढाएको छ ।

निगमको बुधबार बसेको संचालक समितिको बैठकले पेट्रोलको मुल्य प्रतिलिटर २ रुपैयाँले बढाएको छ भने त्यस्तै डिजल र मट्टीतेलमा प्रतिलिटर ३ रुपैयाँ बढाएको हो । 

निगमले बढेको मुल्य आज राति १२ बजेदेखि लागि हुने जनाएको छ । नयाँ मुल्य अनुसार अब काठमाडौँमा पेट्रोलको मुल्य प्रति लिटर १६५ रुपैयाँ भएको छ । यसअघि पेट्रोल प्रतिलिटर १६३ रुपैयाँ रहेको थियो ।  

त्यस्तै डिजल र मट्टीतेलको प्रति लिटर १५६ रुपैयाँ पर्ने भएको छ । यसअघि डिजल र मट्टीतेलको प्रति लिटर १५३ रुपैयाँ रहेको थियो ।