ब्रेंटफोर्डले म्यानचेस्टर सिटीलाई बराबरीमा रोक्यो

काठमाडौँ । इङलिश प्रिमियर लिग अन्तर्गत म्यानचेस्टर सिटी र ब्रेन्टफोर्ड बराबरीमा रोकिएका छन् । 

गएराती सम्पन्न खेलमा ब्रेंटफोर्डले सिटीलाई २-२ गोलको बराबरीमा रोक्दै हारबाट बचेको हो । 

यस खेलमा सिटीका लागि फिल फोडेनले दुवै गोल गरेका थिए । त्यस्तै २-० ले पछि परेको ब्रेंटफोर्डले ८२औ र ९२औ मिनेटमा गोल गर्दै खेलमा कमब्याक गरेको थियो ।  ब्रेंटफोर्डका लागि योआने विस्सा र क्रिस्टियन नोरगार्डले एक एक गोल गरेका थिए । 

यो बराबरीपछि म्यानचेस्टर सिटीको २१ खेलमा ३५ अंक भएको छ र लिगमा छैटौं स्थानमा छ । त्यस्तै ब्रेंटफोर्डको २१ खेलमा २८ अंक भएको छ र लिगमा १०औ स्थानमा छ ।