सहकारी ठगीको आरोपमा भरत जंगम पक्राउ

काठमाडौं । सहकारीको बचत रकम अपचलन गरेको आरोपमा लेखक, पत्रकार र हिन्दुवादी अभियन्ता भरत जंगम पक्राउ परेका छन् ।

काठमाडौंका बानेश्वरस्थित साई स्वागत सहकारीको बचत अपचलनबारे छानविन गर्न जंगमलाई जिल्ला प्रहरी परिसर काठमाडौंले पक्राउ गरेको हो ।

जंगम साई स्वागत सहकारीका पूर्व अध्यक्ष हुन् । सो सहकारीमा राष्ट्रिय स्वतन्त्र पार्टी (रास्वपा) का सभापति रवि लामिछाने पत्नी निकिता पौडेल पनि जोडिएकी छन् । निकिता सो सहकारीको पूर्व उपाध्यक्ष हुन् ।

जंगमलाई हिरासतमा राख्न म्याद थप गर्न अदालतमा पेश गरिएको बुझिएको छ ।