कुवेतमा मोदीलाई सर्वोच्च नागरिक सम्मान

काठमाडौँ । भारतीय प्रधानमन्त्री नरेन्द्र मोदीलाई कुवेतको सर्वोच्च नागरिक सम्मान ‘द अर्डर अफ मुबारक अल–कबिर’ बाट सम्मानित गरिएको छ ।

उनलाई यो सम्मान कुवेतका प्रधानमन्त्री शेख मेसल अल अहमद अल जाबेर अल सबाहले दिएका हुन् । यसअघि उनीसँग प्रधानमन्त्री नरेन्द्र मोदीले पनि द्विपक्षीय वार्ता गरेका थिए ।

मुबारक अल कबीरको अर्डर कुवेतको नाइटहुड अर्डर हो । यो प्रधानमन्त्री नरेन्द्र मोदीले हालसम्म प्राप्त गरेको २०औं अन्तर्राष्ट्रिय सम्मान हो ।

मोदी दुई दिने भ्रमणका लागि शनिबार नै कुवेत पुगेका थिए, जहाँ उनले सामुदायिक कार्यक्रमलाई पनि सम्बोधन गरेका थिए । ४३ वर्षपछि कुनै पनि भारतीय प्रधानमन्त्रीको कुवेतको यो पहिलो भ्रमण हो ।