उत्कृष्ट लयमा ललित, एनपीएलमा लिए १७ विकेट

काठमाडौँ ।  नेपाल प्रिमियर लिग (एनपिएल) मा जनकपुर बोल्ट्सका स्पीनर ललित राजवंशीले १७ विकेट लिएका छन् । हालसम्म उनी सबैभन्दा बढी विकेट लिने सूचीमा पहिलो स्थानमा छन् ।  

ललितले शनिबार सुदूरपश्चिम रोयल्ससँगको फाइनल खेलमा एक विकेट थप लिँदै सर्वाधिक विकेट लिने बलरको सूचीमा पहिलो स्थानमा पुगेका हुन् । उनले फाइनल खेलमा ४ ओभर बलिङ गर्दै १५ रन दिएर एक विकेट लिए ।  उनले एक ओभर मेडन पनि फालेका थिए ।   

प्रतियोगितामा सर्वाधिक विकेट लिनेको सूचीमा सुदूरपश्चिम रोयल्सका स्कट कगलाइन १६ विकेट सहित दोस्रो स्थानमा छन् । ललित एनपीएलको उत्कृष्ट खेलाडीको प्रमुख दाबेदार पनि रहेका छन् ।