आरबी लेइपजिंगमाथि बायर्न म्युनिखको शानदार जित

काठमाडौँ । जर्मनीको बुण्डेसलिगा अन्तर्गत बायर्न म्युनिखले आरबी लेइपजिंगलाई पराजित गरेको छ ।

गएराती सम्पन्न खेलमा बायर्न म्युनिखले आरबी लेइपजिंगलाई ५-१ गोल अन्तरले पराजित गरेको हो ।

बायर्न म्युनिखको जितमा जमाल मुसियाला, कोनराड लायमर, जोशुआ किमिच, लिरोय साने र अल्फोन्सो डेभिजले एक एक गोल गरेका थिए । त्यसैगरी आरबी लेइपजिंगका लागि एक गोल बेन्जामिन सेस्कोले गरेका थिए ।

यो जितपछि बायर्न म्युनिखको लिगमा १५ खेलमा ३६ अंक भएको छ र लिगमा शिर्ष स्थानमा कायम छ । त्यसैगरी आरबी लेइपजिंगको १५ खेलमा २७ अंक रहेको छ र लिगमा चौथो स्थानमा छ ।