नेपाल र भुटानका यू-१६ र १९ महिला फुटबल टिम दशरथ रंगशालामा भिडदै

काठमाडौँ । महिला फुटबलको इतिहास बनाउन हिडेका नेपाल  र भुटानका अण्डर १६ र १९ का टिमहरु क्रमश ५ र ७ गते दिउँसो २ बजे त्रिपुरेश्वरस्थित दशरथ रंगशालामा भिडदै छन् ।

नेपाली चेलीहरु र ड्रागन गर्लहरुको रोमाञ्चक फुटबल यात्राले युवा पुस्ताको ध्यान खिच्ने अपेक्षा फुटबल प्रेमीहरुको छ ।

पछिल्लो समय महिला फुटबलको क्रेज विश्वभरी ह्वात्तै बढेको छ । साफ विमेन्स च्याम्पियनशिपमा नेपाली महिला टिमको शानदार प्रदर्शनले पनि धेरैको मन जितेको छ । जुनकुनै उमेर समूहका फ्यानहरु ड्रागन लेडीहरुको प्रदर्शन नेपाली चेलीहरु बीच टक्कर दिने होला या कस्तो होला प्रतीक्षा गरिरहेका छन् । 

यी खेलको प्रत्यक्ष प्रशारण कान्तिपुर म्याक्स एचडी र एडिआर स्पोर्ट्स युट्युब च्यानल मार्फत हुने तथा टिकेटिङ पार्टनर इसेवा रहेको ग्लोबल राइट होल्डर कम्पनी एडी रिलिज प्रालीले जानकारी गराएको छ ।