महिला यू-१९ एशिया कपको सुपर फोरमा नेपालले दुई खेल खेल्ने

काठमाडौँ । मलेसियामा जारी महिला यू-१९ एशिया कपको सुपर चारमा पुग्ने देशको टुंगो लागेको छ । 

समुह चरणका खेल सकिएसँगै समुह ए बाट बंगलादेश र श्रीलंका तथा समुह बी बाट भारत र नेपाल सुपर चारमा पुगेका छन् । 

त्यस्तै समुह ए बाट मलेसिया र समुह बी बाट पाकिस्तान समुह चरणबाटै बाहिरिएका छन् । पाकिस्तान र मलेसियाले आज पाँचौं स्थानको लागि खेल्दै छन् । 

अब सुपर फोरमा हरेक देशले २-२ खेल खेल्ने छन् र त्यसपछि शिर्ष २ स्थानमा रहने देश फाइनलमा पुग्ने छन् । 

जस अन्तर्गत नेपालले श्रीलंका र बंगलादेशसँग खेल्ने भएको छ । नेपालले सुपर चारको पहिलो खेल विहिबार श्रीलंकासँग र शुक्रबार बंगलादेशसँग खेल्ने भएको छ । 

नेपालले समुह चरणमा पाकिस्तानलाई पराजित गरेको थियो भने भारतसँगको खेल बर्षाले अवरुद्ध हुदा अंक बाँडेको थियो ।