गणपुरक संख्या नपुगेपछि अर्थ समितिको बैठक स्थगित

काठमाडौँ । सोमबारका लागि बोलाइएको प्रतिनिधिसभा अन्तर्गत अर्थ समितिको बैठक स्थगित भएको छ । 

बैठकमा सत्ता पक्षीय सांसदहरूको उपस्थिति न्यून भएपछि बैठकका लागि गणपूरक सङ्ख्या नपुगेपछि बैठक स्थगित भएको हो ।

आज ११ बजे बोलाइएको बैठकमा सुरक्षित कारोबार ऐन, २०६३ लाई संशोधन गर्न बनेको विधेयकमाथि संशोधनकर्तासँग छलफल गर्ने कार्यतालिका रहेको थियो । बैठकमा अर्थमन्त्रीको समेत उपस्थिति हुने बताइएको थियो ।
१२ जना उपस्थित भए बहुमत पुग्ने थियो तर ११ जना सांसद उपस्थित थिए ।

नेकपा माओवादीका सांसद गंगा कार्कीले कोरम नपुगी बैठक बसेको भन्दै विरोध जनाएपछि स्थगित भएको हो ।