दाङमा विंगर दुर्घटना, दुई जनाको मृत्यु

दाङ । दाङमा विंगर दुर्घटनामा दुई जनाको मृत्यु भएको छ । 

पूर्व–पश्चिम राजमार्गअन्तर्गत लमही नगरपालिका–९ च्याउखोला बक्सकटिङ नजिकै सोमबार बिहान लु१ज ४२९८ नम्बरको विंगर गाडी दुर्घटना हुँदा दुई जनाको मृत्यु भएको छ । दुर्घटनामा १२ जना घाइते भएको जिल्ला प्रहरी कार्यालय दाङले जनाएको छ ।

मृत्यु हुनुमा सिवराज नगरपालिका–३ का ४२ वर्षीया प्रिथी थारु र सोही ठाउँका ६० वर्षीया फुलसी थारु रहेको प्रहरीले जनाएको छ । 

कपिलवस्तुको चद्रौटाबाट बर्दियातर्फ जाँदै गरेको गाडी आज बिहान दुर्घटनामा परेको हो । दुर्घटनामा घाइतेको लमही अस्पतालमा उपचार भइरहेको छ । 

गाडी तीव्र गतिका कारण गाडी दुर्घटनामा परेको हुनसक्ने प्रहरीले अनुमान गरेको छ ।