- २०८१ मङ्सिर ३० आइतबार
काठमाडौँ । सुदूरपश्चिम रोयल्स नेपाल प्रिमियर लिग (एनपीएल) को प्लेअफमा पुगेको छ ।
आइतबार सम्पन्न खेलमा सुदूरपश्चिमले पोखरा एभेन्जर्सलाई ५ रनले पराजित गर्दै प्लेअफमा आफ्नो स्थान सुरक्षित गरेको हो ।
सुदूरपश्चिमले दिएको १५४ रनको लक्ष्य पछाएको पोखराले १९.४ ओभरमा १४८ रन बनाएर अलआउट भएपछि सुदूरपश्चिम ५ रनले विजयी भएको हो ।
यस अघि पहिला ब्याटिंग गर्दै सुदूरपश्चिमले २० ओभरमा ७ विकेट गुमाएर १५३ रन बनाएको थियो ।
यो जितपछि सुदूरपश्चिमको प्लेअफमा स्थान सुरक्षित भएको छ । सुदूरपश्चिमको ६ खेलमा १० अंक भएको छ र शिर्ष स्थानमा उक्लिएको छ ।
पोखरा भने यसअघि नै प्लेअफको दौडबाट बाहिरिएको थियो ।
अब यस सिजनको एनपीएलको प्लेअफअघिको अन्तिम खेल सोमबार बिहान सुदूरपश्चिम रोयल्स र कर्णाली याक्सबीच हुने छ । यस खेलपछि प्लेअफको अन्तिम समीकरण तय हुने छ ।
