- २०८१ मङ्सिर २८ शुक्रबार
काठमाडौँ । युइएफए च्याम्पियन्स लिग अन्तर्गत बार्सिलोनाले बोरुसिया डोर्टमण्डलाई पराजित गरेको छ ।
गएराती सम्पन्न खेलमा बार्सिलोनाले डोर्टमण्डलाई ३-२ गोल अन्तरले पराजित गरेको हो ।
बार्सिलोनाको जितमा फेरान टोरेजले २ गोल गरेका थिए भने राफिन्हाले एक गोल गरेका थिए । त्यस्तै डोर्टमण्डका लागि सेरहोउ गुरिआसीले एक गोल गरेका थिए ।
खेलमा उत्कृष्ट प्रदर्शन गरेका बार्सिलोनाका युवा खेलाडी लामिन यमल प्लेयर अफ द म्याच बनेका थिए ।
यो जितपछि बार्सिलोनाको ६ खेलमा १५ अंक भएको छ र दोस्रो स्थानमा रहेको छ । त्यसैगरी डोर्टमण्डको ६ खेलमा १२ अंक भएको छ र नवौं स्थानमा रहेको छ ।
