- २०८१ मङ्सिर २८ शुक्रबार
काठमाडौँ । युइएफए च्याम्पियन्स लिग अन्तर्गत बायर्न म्युनिखले शख्तर डोनेटस्कलाई पराजित गरेको छ ।
गएराती सम्पन्न खेलमा बायर्नले शख्तर डोनेटस्कलाई ५-१ गोल अन्तरले पराजित गरेको हो । बायर्नको जितमा माइकल ओलीसले २ गोल गरेका थिए भने कोनार्ड लाइमर, थोमस मुलर र जमाल मुसियालाले एक एक गोल गरेका थिए । त्यसैगरी शख्तर डोनेटस्कका केभिनले एक गोल गरेका थिए ।
यो जितपछि बायर्न म्युनिखले ६ खेलमा १२ अंक हासिल गरेको छ भने आठौँ स्थानमा रहेको छ । त्यस्तै शख्तर डोनेटस्कको ४ अंक रहेको छ र २७औ स्थानमा रहेको छ ।
