पोखरामाथि कर्णालीको सहज जित

काठमाडौँ । नेपाल प्रिमियर लिग (एनपीएल) अन्तर्गत कर्णाली याक्सले पोखरा एभेन्जर्सलाई पराजित गरेको छ ।

मंगलबार सम्पन्न खेलमा कर्णाली याक्सले पोखरालाई ७ विकेटले पराजित गरेको हो ।

पोखराले दिएको १०४ रनको लक्ष्य पछाएको करंलीले १५ ओभरमा ३ विकेट गुमाउदै लक्ष्य पुरा गरेको थियो । कर्णालीका लागि गुलशन झाले अविजित ४९ रन बनाएका थिए ।

यस अघि टस जितेर पहिला ब्याटिंग गरेको पोखराले १६.३ ओभरमा अल आउट हुदै १०३ रन मात्र बनाएको थियो । पोखराको ब्याटिंग लाइन ध्वस्त गर्ने क्रममा कर्णालीका बलर विमियम बोसिस्टोले ६ विकेट लिएका थिए ।

यो जितपछि कर्णालीको ५ खेलमा ३ जित र २ हारसहित ६ अंक भएको छ र चौथो स्थानमा रहेको छ ।

त्यसैगरी पोखराले भने तेस्रो हार बेहोरेको छ । पोखराको ४ खेलमा २ अंक रहेको छ र पाँचौं स्थानमा रहेको छ ।