पुष्पा-२ मा अल्लु अर्जुन र रश्मिकाले कति पारिश्रमिक लिए ?

काठमाडौँ । विश्वभर बक्स अफिसमा सुनामी ल्याइरहेको फिल्म पुष्पा-२ अल्लु अर्जुन बिना कल्पना गर्न गाह्रो छ । यसका लागि उनले तीन वर्षसम्म मिहिनेत गरेका छन् । हाल बक्स अफिसमा शानदार कमाई गरिरहेको पुष्पा-२ का प्रमुख कलाकारको पारिश्रमिक बारे जानकारी बाहिर आएको छ ।

अल्लु अर्जुनले ‘पुष्पा २’का लागि ३ सय करोड भारु पारिश्रमिक लिएका छन् । फिल्ममा अल्लु अर्जुनकी श्रीमतीको भूमिका निभाएकी रश्मिका मन्डन्नाले १० करोड लिएकी छन् जबकी उनले पुष्पाका लागि २ करोड लिएकी थिइन् ।

त्यस्तै ‘पुष्पा २’ लाई जेलमा राख्ने अभियानमा रहेका आईपीएस भंवर सिंह शेखावतको भूमिका चर्चित अभिनेता फहद फासिलले निभाएका थिए । उनले फिल्मका लागि ८ करोड पारिश्रमिक लिएका छन् ।

त्यस्तै ‘पुष्पा २’ मा आफ्नो आइटम गीत ‘किसिक’ बाट आगो लगाउने नायिका श्रीलीलाको लोकप्रियता ह्वात्तै बढेको छ । उनले यो डान्स नम्बरका लागि २ करोड भारु शुल्क लिएका छन् ।

फिल्मले रिलिजको दुई दिनमा विश्वभर ४ सय करोड भन्दा बढी कमाई गरेको छ ।