- २०८१ मङ्सिर १२ बुधबार
काठमाडौं । नेपाली बजारमा सुनचाँदीको मूल्य बढेको छ । आज सुनको मूल्य तोलामा ९ सयले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन तोलाको ९ सयले बढेर प्रतितोला एक लाख ४९ हजार ६ सयमा कारोबार भइरहेको छ ।
यस अघि मंगलबार तोलामा एक लाख ४८ हजार ७ सय रुपैयाँमा कारोबार कारोबार भएको थियो ।
आइतबार सरकारले सुन आयातमा लाग्दै आएको २० प्रतिशत भन्सार महसुल घटेर १० प्रतिशतमा झारेपछि सुनको मुल्य घटिरहेको छ । सोमबार र मंगलबार गरेर साढे १८ हजारले घटेको थियो ।
त्यसैगरी, आज चाँदीको मुल्य पनि बढेको छ । महासंघको अनुसार आज चाँदी प्रतितोला १० रुपैयाँले बढेर १८३० रुपैयाँमा कारोबार भइरहेको छ ।
