- २०८१ कार्तिक २८ बुधबार
काठमाडौँ । कन्नड सुपरस्टार यश आफ्नो आगामी फिल्म ‘टक्सिक’ को कारण चर्चामा छन् । आगामी फिल्ममा उनी धमाकेदार एक्शनमा देखिनेछन् । यसका लागि विशेष तयारी भइरहेको छ ।
चर्चित हलिउड एक्सन निर्देशक तथा स्टन्टम्यान जेजे पेरी पनि टोलीमा सामेल भएका छन् । उनी यसै फिल्ममा काम गर्न मुम्बई पुगेका छन् । जेजे पेरीले एयरपोर्टमा पापाराजीसँग कुरा गर्दै भारत आएकोमा खुशी व्यक्त गरे । आफूहरु निकै उत्साहित रहेको समेत बताए । मिडिया रिपोर्टका अनुसार जेजे पेरी ‘टक्सिक’ को केही एक्शन फिल्मको सुटिङ गर्न आएका छन् । यी एक्शन सिक्वेन्सको सुटिङ मुम्बईमा हुनेछ । यशको फिल्म टक्सिकलाई गीतु मोहनदासले निर्देशन गर्दैछन् ।
टक्सिकमा यशका अलावा कियारा आडवाणी, नयनतारा, हुमा कुरेशी, तारा सुतारिया र श्रुति हसनको पनि अभिनय रहेको छ । फिल्मको रिलिज २०२५ को अप्रिल १० मा हुने बताइएको छ ।
