अमेरिकासहित पाँच देशले विज्ञप्ति जारी गरेर भने- मध्यपूर्वमा तनाव कम गर्न आव्हान

काठमाडौँ । अमेरिका, बेलायत, फ्रान्स, जर्मनी र इटालीले मध्यपूर्वको अवस्थाबारे संयुक्त वक्तव्य जारी गरेका छन् ।

यी सबै देशहरूले यस क्षेत्रको तनाव कम गर्न र गाजामा युद्धविराम र बन्धकहरूको रिहाइको लागि सम्झौतामा पुग्न पूर्ण समर्थन व्यक्त गरेका छन् ।

विज्ञप्तिमा भनिएको छ- 'हामी राष्ट्रपति बाइडेन, इजिप्टका राष्ट्रपति अब्दुल फताह अल-सिसी र कतारका अमिर तमिमको संयुक्त आह्वानलाई यस हप्ताको अन्त्यमा चाँडो भन्दा चाँडो सम्झौतामा पुग्ने उद्देश्यका साथ वार्तालाई समर्थन गर्दछौं ।'

विज्ञप्तिमा अगाडी भनिएको छ- 'सबै पक्षहरूले आ-आफ्नो जिम्मेवारी पूरा गर्नैपर्छ। साथसाथै, गाजामा बिना कुनै बाधा पुर्‍याउन सहायताको लागि आवश्यक छ ।'

पाँच देशले इरानी आक्रमण र यसले समर्थन गर्ने चरमपन्थी संगठनहरू विरुद्ध इजरायलको रक्षाको लागि आफ्नो समर्थन व्यक्त गरेका छन् । त्यसैगरी विज्ञप्तिमा इरानबाट इजरायलविरुद्ध सैन्य आक्रमणको निरन्तर धम्की रोक्न आह्वान गरिएको छ ।