- २०८१ मङ्सिर ८ शनिबार
काठमाडौँ । स्पोर्ट्स वेयर जाइन्ट एडिडासले ३० बर्षमा पहिलो पटक घाटा बेहोरेको छ ।
एडिडासले २०२३ मा ५८ मिलियन युरो घाटा रहेको रिपोर्ट फाइल गरेको छ । जबकी एडिडासले अघिल्लो बर्ष २५४ मिलियन युरो नाफा गरेको रिपोर्ट फाइल गरेको थियो ।
एडिडासका प्रमुख कार्यकारी ब्योर्न गुल्डेनले गत वर्ष समूहको प्रदर्शन अहिलेसम्मको नराम्रो भएको तर २०२३ को अन्त्यसँगै अपेक्षा गरेको भन्दा राम्रो भएको टिप्पणी गरेका छन् ।
एडिडासले २०२३ मा र्यापर कान्ये वेस्टको यीजी लाइनसँगको सहकार्य तोडेपछि घाटामा गतेको विश्लेषण गरिएको छ । यो सहकार्य टुटेपछि एडिडासको विक्रीमा ५ प्रतिशतको गिरावट आएको थियो । जसको मुल्य ५०० मिलियन युरो रहेको बताइएको छ ।
एडिडासले वेस्टले २०२२ मा सामाजिक सञ्जालमा यहुदीका विषयमा गरेको टिप्पणीलाई लिएर उनीसँगको सम्झौता तोडेको थियो ।
कम्पनीले हालैका महिनाहरूमा यीजी लाइनबाट आफ्नो बाँकी स्टक बेच्दै आएको छ र प्राप्त रकम घृणा विरोधी परोपकारी संस्थाहरूमा दान गरिरहेको छ ।
प्रमुख कार्यकारी अधिकृत गुल्डेनले यीजीबाट राजस्व गुमाए पनि र धेरै रूढिवादी बिक्री-इन रणनीतिको बावजुद, राम्रो विक्री प्राप्त गर्न सफल भएको बताएका छन् ।
एडिडासले २०२४ मा बिक्रीमा सुधार आउने अपेक्षा गरेको छ र यसको साम्बा र गजेल लाइनहरू लगायतका क्लासिक शैलीहरूको लोकप्रियताका कारण दोस्रो आधामा दोहोरो अंकको वृद्धिको पूर्वानुमान गरिरहेको छ ।
यस अघि एडिडास १९९२ मा घाटामा गएको थियो । १९९२ संस्थापक लगानीकर्ता होर्स्ट ड्यास्लरको मृत्यु भएपछि उनका छोरीहरूले कम्पनी छोड्ने निर्णय गरेपछि एडिडास घाटामा गएको थियो ।
