अफ्रिकन कपको सेमिफाइनलको समिकरण पुरा

काठमाडौँ । अफ्रिकन कप अफ नेसन्सको सेमिफाइनलको समिकरण पुरा भएको छ । क्वाटरफाइनलका खेलहरु सम्पन्न भएपछि सेमिफाइनलमा पुग्ने चार देशको टुंगो लागेको हो ।

अफ्रिकन कपको सेमिफाइनलमा नाइजेरिया, दक्षिण अफ्रिका, आइभरी कोष्ट र डिआर कंगो पुगेका छन् ।

नाइजेरियाले एन्गोलोलाई १-० गोल अन्तरले पराजित गरेर सेमिफाइनलमा पुगेको छ भने दक्षिण अफ्रिकाले केप भर्डेलाई पेनाल्टी सुटआउटमा २-१ ले पराजित गर्दै सेमिफाइनलमा पुगेको हो ।

त्यस्तै आइभरी कोष्टले मालीलाई २-१ गोल अन्तरले पराजित गर्दै सेमिफाइनलमा पुगेको छ भने डिआर कंगोले गिनीलाई ३-१ गोल अन्तरले पराजित गर्दै सेमिफाइनलमा पुगेको हो ।

अब नाइजेरियाले सेमिफाइनलमा दक्षिण अफ्रिकासँग खेल्ने छ भने आइभरी कोष्टले सेमिफाइनलमा डिआर कंगोको सामना गर्ने छ । सेमिफाइनलका खेल ७ फेब्रुअरीमा हुने तालिका छ ।