- २०८१ बैशाख १७ सोमबार
काठमाडौं । एएफसी कपको प्रारम्भिक छनोटमा नेपालको मच्छिन्द्र फुटबल क्लबले भुटानको पारो एफसीलाई पराजित गरेको छ ।
काठमाडौंको त्रिपुरेश्वरस्थित दशरथ रंगशालामा सम्पन्न खेलमा मच्छिन्द्र ३–२ गोलको जित निकालेको हो ।
मच्छिन्द्रका लागि आयुश घलान, विमल घर्तीमगर र ओलावाले अफिजले समान एक–एक गोल गरे । आयुशले १२ औं मिनेटमा, विमलले खेलको १५औं मिनेटमा र ओलावालेले ३८औ मिनेटमा गोल गरेका हुन् ।
पारो एफसीका लागि काजुओ होनमा र इभान्स असान्टेले एक–एक गोल गरे । काजुओले ७औं मिनेटमा गोल गरेका थिए भने इभान्सले खेलको ७१ औं मिनेटमा गोल गरे ।
एएफसी कप छनोटको प्लेअफ चरणको पहिलो खेलमा मच्छिन्द्र पारो एफसीसँग खेलेको हो । ए डिभिजन लिग चर्च ब्वाइजले जिते पनि उसँग एएफसी लाइसेन्स नभएकाले उपविजेता भएको मच्छिन्द्रले यो प्रतियोगितामा मौका पाएको हो ।
अब मच्छिन्द्रले १६ अगस्टमा भारतको मोहन बगान सुपर जायन्टसँग दोस्रो चरणको खेल खेल्नेछ ।
