काठमाडौँ । इण्डियन प्रिमियर लिग (आइपिएल) अन्तर्गत दिल्ली क्यापिटल्सले पञ्जाब किंग्सलाई २१४ रनको लक्ष्य दिएको छ ।
धर्मशालामा टस हारेर पहिला ब्याटिंग गरेको दिल्लीले २० ओभरमा २ विकेट गुमाउदै २१३ रन बनाएको हो ।
दिल्लीका लागि रिली रोस्सोले सर्बाधिक ३७ बलमा अविजित ८२ रन बनाएका थिए भने पृथ्वी शाले ५४ रन बनाएका थिए ।
त्यस्तै कप्तान डेविड वार्नरले ४६ रन बनाए भने फिल साल्टले अविजित २६ रन बनाए ।
त्यस्तै पञ्जाबका बलर साम कुरानले दुवै विकेट लिएका थिए ।
जारी आइपिएलमा दिल्ली प्लेअफको दौडबाट बाहिरिएको छ भने पञ्जाबको १२ खेलमा १२ अंक रहेको छ । पञ्जाबले बाँकी दुवै खेल जितेमा प्लेअफमा स्थान बनाउने सम्भावना रहेको छ ।