- २०८१ बैशाख २० बिहीबार
काठमाडौं । स्पेनिस ला लिगाका चिरपरिचित प्रतिद्वन्द्वी रियलम्याड्रिड र एट्लेटिको म्याड्रिड बीचको भिडन्त आइतबार मध्यराति हुँदै छ ।
सिजनको पहिलो ‘म्याड्रिड डर्वी’ सान्टियागो बर्नबेउमा नेपाली समय अनुसार राति पौने २ बजे हुनेछ ।
‘एल क्लासिक’ पछि सर्वाधिक रुचाईएको प्रतियोगिता हो, ‘म्याड्रिड डर्वी’ । पछिल्लो समय रियलबाट क्रिष्टियोना रोनाल्डो र बार्सिलोनाबाट लियोनल मेस्सीले बाहिरिएसँगै चर्चा म्याड्रिड डर्वीको रहँदै आएको छ ।
घरेलु मैदानमा हुने खेलमा रियल म्याड्रिड एट्लेटिकोलाई पराजित गर्दै शीर्षस्थान कायम राख्न चाहन्छ । यता, एट्लेटिको भने रियल म्याड्रिड लाई पराजित गर्दै तालिका सुधार गर्ने दाउमा हुनेछ ।
जारी लिगमा १६ खेलबाट रियलले ३९ अंक जोडेको छ । यता, एट्लेटिको भने १५ खेलबाट २९ अंक जोडेर चौथो स्थानमा छ ।
आइतबार नै हुने ला लिगाको खेलमा बार्सिलोनाले ओसासुनासँग प्रतिस्पर्धा गर्ने छ । जारी लिगमा खराब लयमा रहेको बार्सिलोना १५ खेलबाट २३ अंक जोडेर तालिकाको आठौं स्थानमा छ ।
